নিউজ ডেস্ক ,রাজগঞ্জ, ২৮ মার্চঃ চা বাগানত কাম করা মানষিলার গ্রামত যায়া
প্রচার করিলেক জলপাইগুড়ি লোকসভা কেন্দ্রের সিপিআইএম প্রার্থী দেবরাজ বর্মন। বিসতিবার জলপাইগুড়ি জেলার রাজগঞ্জ ব্লকের শিকারপুর চা বাগানের মানষিলাক নিয়া প্রচার করিলেক উমরা। এদিনা প্রচারত আসিয়া বাগানত কাম করা মানষিলার সাথত কাথা কন, মানষিগিলার নানান নখান অসুবিধার কাথা শুনে ।
প্রচারত আসিয়া প্রার্থী দেবরাজ বর্মন কন, গোটা দেশ ও রাইজ্যত বেকারত্ব দিয়া ভরি গেইছে। সমাজটা দুর্নীতিত ভরিয়া গেইছে। নেতা-মন্ত্রীলার সাথত থাকিলে চাকরি পওয়া যাছে।কিন্তক শিক্ষিত বেকারলার সংখ্যা
বেশি৷ এইলা দুর্নীতির তানে সবচেয়ে বেশি ক্ষতি হচে গাবুর বেটা আর বেটি ছুয়ালা।
সঠিক অধিকার ও কাম পায়া দিবার দাবিত হামার লড়াই। জয়ী হবার পরে এইলা বিষয় নিয়া পার্লামেন্টত আওয়াজ তুলা হবে।
