নিজ খবরিয়া, মাথাভাঙ্গা : মাথাভাঙ্গা বিধানসভার নির্বাচনী প্রচারত কোচবিহার লোকসভার বিজেপি প্রার্থী নিশীথ প্রামাণিক শুকুরবার মাথাভাঙ্গা ২ ব্লকের সুতারপাড়া থাকিয়া প্রচার শুরু করেন। এলাকার মানষিলার সাথত জনসংযোগ করেন উমরা।
উনিশবিশা অঞ্চলত দুর্গা মন্দিরত পুজা দিয়া জয়ন্তীর হাট বাজারত যান । আজি গোটায় দিনটা মাথাভাঙ্গা বিধানসভার ভেল্লা জাগাত জোর কদমত প্রচার করেন উমরা । এদিনা প্রচারত বেরেয়া সংবাদিকলার মুখামুখি হয়া নিশীথ প্রামাণিক ইন্ডিয়া জোটক কটাক্ষ করিয়া কন, ভোটের আগতে বিজেপি কইসে ইন্ডিয়া জোট কোন কামের নাহয়, সেইটা প্রমান হইল। আজি ইন্ডিয়া জোট কঠে গেই এলা দেখায় না মিলে ।
মানষিলার ভালোবাসা আশুর্বাদ তানে হামা আগেয়া আছি মানষিলার এনুং ভালোবাসা আশুর্বাদ থাকিলে আরও আগে জামো। সৌগ মানষিলারটে হামার আটুস হামার পাশত থাকিলে অপশক্তি অপশাসন টাক দূর করিমো।
