নিজ খবরিয়া,খড়িবাড়ি, ২ এপ্রিল: ফির পুলিশের তৎপরতাত উদ্ধার হইলেক খড়িবাড়ির পানিট্যাঙ্কির গাও ঘেস্টে থাকা দুধগেট থাকি ব্রাউন সুগার সাথত গ্ৰেপ্তার হইলেক ২ যুবক ।ধরা পড়া মানুষিলার নাম মানিক বিশ্ব কর্মকার আর প্রদীপ মন্ডল।
জানা গেইছে, সোমবার গোপন সূত্রত খবর পায়া দুধগেটত সন্দেহ হাবার বাদে ২টা চেংরাক আটক করিল খড়িবাড়ি পানিট্যাঙ্কি ফাঁড়ির পুলিশ। আটক করা চেংরালাক তল্লাশি চালেয়া উমারটে হাতে উদ্ধার হইল ১৩০ গ্ৰাম ব্রাউন সুগার। পরে ধরা পড়া চেংরালাক গ্ৰেপ্তার করি খড়িবাড়ি থানাত নিয়া আসে পুলিশ। ধরা পড়া চেংরালা খয়েরমুনি জোত থাকিয়া পানিট্যাঙ্কিত মাদক বেচেবার উদ্দেশ্যত যাবার ধইরছিলো । ধরা পড়া চেংরালাক আজি শিলিগুড়ি মহকুমা আদালত প্যাঠাইছে পুলিশ।
