নিজ খবরিয়া, ০৩ মার্চ: তিনটা দলছুট দাঁতাল হাতির বাদে বাগডোগরা জঙ্গলত সাধারণ মানষিলা সাথত বনকর্মিলার এন্ট্রি নাই । তিনটা হাতিয়ে পত্তিদিন দলত ঢুকিবার বাদে লড়াই চালাছে । কিন্তুক দলত ডুকিবার না পায়া হাতি তিনটার খিবে গোসা হইছে । জঙ্গলত মানষিলা থাকিলে হামলা চালাছে উমরা ।বিতা এক সাপ্তাত বাগডোগরার সংরক্ষিত বনাঞ্চলত একখান জাগাতে দুইজহন আহত আরত্ত দুইজহন মারা গেইসে। দুইটা ঘটনাতে হাতি কোটে আছে বুঝিবার পাছে না ,ওইটাতে আতঙ্ক ছড়াইসে।এলা বনকর্মীরা ডুকিবার সাহস পাছে না ।
সাথতে বাগডোগরা বনদপ্তর থাকি বনের ভিতিরা যাইতে কোনো মানষি না যায় ,ওইটার বাদে বনদপ্তর থাকি নিষেধাজ্ঞা জারি করা হইসে।বনদপ্তর সূত্র থাকি জানা গেইসে, মানষিলাক দেখিবার পাচে না দল ছুট হাতিগিলা, এমনকি বনকর্মিলা , বনদপ্তরের গাড়িলার আওয়াজ পাইলে আধা কিলোমিটার পিট্টায় হাতিগিলা। এইটার বাদে এলা সাইকেল আর হাঁটি হাঁটি যায়। চারচাক্কা গাড়িত বনকর্মীলা ভয় পাসে । তিনটা দাঁতাল সাথত আরও একটা মাকনা হাতি দলত ডুকিবার চাহেছে , উমার মইধ্যে বিরোধ চলেছে, এইবাদে হাতিগিলা মেজাজ হারাছে।
অইন্যপাখে, এলা আপাতত কয় দিনের বাদে বাগডোগরা বনাঞ্চলের ভিতিরাত থাকা টিপুখোলা ইকো ট্যুরিজম টিকিট বন্ধ আছে যাতে আরত্ত কোনো মানষির ক্ষতি না হয় ওইটার বাদে সব নাখান চেষ্টা চালাসে বনদপ্তর।
